සටහන: සශිකලා මධුෂාණි
මාර්තු 22; ලෝකය(අවුට්බවුන්ඩ් ටුඩේ): සෞදි අරාබිය විසින් තම භූමියට එල්ල කරන ලද නිරන්තර ප්‍රහාර හේතුවෙන් ඉරාන තානාපති කාර්යාල කාර්ය මණ්ඩලයට පැය 24ක් තුළත සිය රටෙන් ඉවත්වන ලෙස සෞදි විදේශ කටයුතු අමාත්‍යාංශය නිවේදනය කර ඇත.
ඉරානය විසින් ඇමරිකා එක්සත් ජනපදයට සත්කාරකත්වය සපයන සෞදි අරාබිය සහ එහි ගල්ෆ් අසල්වැසියන් ඉලක්ක කර ගනිමින් සිවිල් මධ්‍යස්ථාන සහ අනෙකුත් යටිතල පහසුකම් වලට නිරන්තර ප්‍රහාර එල්ල කර ඇති අතර එය කලාපය පුරා අවුල් සහගත තත්ත්වයක් ඇති කර ඇති අතර ගෝලීය බලශක්ති වෙළඳපොළවල් කැළඹී ඇත.
ලෝකයේ දෙවන විශාලතම බොරතෙල් සංචිත හිමි සෞදි අරාබිය, යුද්ධය ආරම්භයේ සිට ඉරාන මිසයිල සහ ඩ්‍රෝන යානා සිය ගණනක් එල්ලව තිබු අතර සෞදි විදේශ අමාත්‍ය ෆයිසාල් බින් ෆර්හාන් අල් සවුද් කුමරු සඳහන් කර තිබුණේ, ඉරානය කෙරෙහි විශ්වාසය බිඳ වැටී ඇති බවත්, තම රටට තමන්ව ආරක්ෂා කර ගැනීමට ඇති අයිතිය තහවුරු කරන බවත්ය.
