යාපනය දිස්ත්‍රික් ලේකම් කාර්යාලය ඉදිරිපිට ඊයේ (03) පැවති ධීවර උද්ඝෝෂණයක් පිළිබඳ සොයාබැලීම සඳහා එහි ගිය ධීවර අමාත්‍ය ඩග්ලස් දේවානන්දා මහතාට උද්ඝෝෂකයින්ගෙන් දැඩි විරෝධයක් එල්ල විය.
ඉන්දීය ධීවරයින් නීතිවිරෝධී ලෙස මෙරට මුහුදේ මත්ස්‍ය සම්පත නෙළාගැනීමට පැමිණීම වළක්වාලන ලෙස ඉල්ලමින් උතුරේ ධීවරයින් ගෙනයන උද්ඝෝෂණ ව්‍යාපාරය ඊයේ තවත් උත්සන්න වූ අතර ඔවුහු යාපනය දිස්ත්‍රික් ලේකම් කාර්යාලය, උතුරු පළාත් ආණ්ඩුකාර කාර්යාලය ඇතුළු රාජ්‍ය ආයතන රැසකට යන මාර්ග අවහිර කරමින් විරෝධතාවයෙහි නිරත වූහ.
ඊයේ පෙරවරුවේ එම ස්ථානයට පැමිණි ධීවර අමාත්‍යවරයා මින්පසු ඉන්දීය ධීවරයින් පැමිණියහොත් ඔවුන්ව අත් අඩංගුවට ගන්නා බවට සහ මෙරට ධීවරයින්ගේ ආරක්ෂාව තහවුරු කරන බවට වාචිකව පොරොන්දු වූ නමුත් එම පොරොන්දුව ලිඛිතව ලබාදෙන්නැයි ධීවරයින් කළ ඉල්ලීම ප්‍රතික්ෂේප කළේය. ඒ අනුව විරෝධතාව දිගටම පැවැත්විණි.
නැවතත් පස්වරුවේ එම ස්ථානයට පැමිණි අමාත්‍යවරයා ධීවරයින් සමග සාකච්ඡාවක් පැවැත්වූ අතර එහිදී ධීවරයින් ඔහුගේ කතාවට බාධා කරද්දී ඔහු කෝප වී ධීවරයින් වෙත කඩාපැන්නේ පහත ආකාරයෙනි.
RN
