13 වැනි ආණ්ඩුක්රම ව්යවස්ථා සංශෝධනය පිළිබඳ සාකච්ඡාවක් කරළියට ගෙනැවිත් තිබෙන්නේ රටේ ඇත්ත ප්රශ්න යටගැසීමේ දේශපාලන උගුලක් වශයෙන් බව ජනතා විමුක්ති පෙරමුණේ ප්රධාන ලේකම් ටිල්වින් සිල්වා මහතා පවසයි.
“දැන් මේ 13 ගැන ආපහු එනවානෙ කතාවක්. අපි ඒකට අභියෝග කරනවා රනිල් වික්රමසිංහයි, දිනේෂ් ගුණවර්ධනයි, මහින්ද රාජපක්ෂයි තුන්දෙනා එකතුවෙලා අපට එකට කියන්නකො තුන්දෙනාගේ ස්ථාවරය සමානද කියලා. ඒගොල්ලොනෙ ආණ්ඬුව. ඊටපස්සෙ අපට පුළුවන් අපේ මතය මොකක්ද කියලා කියන්න. මේ බොරු කතන්දරයක් අල්ලන් මේ මොකක්ද කරන්නෙ ? අපේ රටේ මේ නැවත ජාතිවාදය අවුස්සලා රටේ ඇත්ත සංවාදය යට ගහලා වෙන සංවාද මතු කරන දේශපාලන තක්කඩිකමක්, දේශපාලන උගුලක් අටවලා තියෙන්නෙ”
ටිල්වින් සිල්වා මහතා මේ බව පැවසුවේ ඊයේ (05) බුලත්සිංහල ප්රදේශයේ පැවති ජාතික ජන බලවේගයේ ජනහමුවක් අමතමිනි.
RN
