මෙවර අවුරුදු 19 න් පහළ ලෝක කුසලානය ජයගත් ඉන්දීය කණ්ඩායමේ සාමාජිකයන්ට ඉන්දියානු රුපියල් ලක්ෂ හතළිහ බැඟින් ප්‍රදානය කරන බව ඉන්දීය ක්‍රිකට් පාළක මණ්ඩල සභාපති සව්රාව් ගංගුලි පවසනවා.ඔහු පවසන්නේ ඉන්දීය කණ්ඩායමේ නිලධාරීන්ට ද ලක්ෂ 25 බැඟීන් පිරිනමන බවයි.
ගංගුලි පෙන්වා දෙන්නේ ඔවුන් පිටියේ දැක් වූ දක්ෂතා අති විශිෂ්ඨ බවය.කොවිඩ් ආසාදනයට ගොදුරු වෙමින් නැවත ඉන් ගොඩ එමින් ගැටවරයන් පිරිස කරන ලද කැපවීම සහ ඉවසීම ගැන ලෝකයම කතා කරන මොහොතක සව්රාව් ගංගුලිද ඊට ඉහළ වටිනාකමක් දෙමින් අගය කරයි. එසේම ප්‍රධාන පුහුණුකරු රිෂිකේෂ් කනිට්කාර් සහ ඔහුගේ පුහුණු කණ්ඩායමේ සාමාජිකයින්, සහාය කාර්ය මණ්ඩලය සහ ජාතික ක්‍රිකට් ඇකඩමියේ ක්‍රිකට් ප්‍රධානී වීවීඑස් ලක්ෂ්මන් ක්‍රීඩකයන්ගේ මනෝභාවයන් කළමනාකරණය කර ගනිමින් දක්ෂතා සුරක්ෂිතව ඉදිරියට ගෙන යන්නට දුන් සහය ද ඉතා ඉහළින් ප්‍රශංසාවට ලක් කළේය.
RM
