පාස්කු ප්‍රහාරයට සම්බන්ධ බව කියමින් අත් අඩංගුවට ගෙන දීර්ඝ කාලයක් තිස්සේ රැඳවුම් භාරයේත් රක්ෂිත බන්ධනාගාරගතකරත් සිටි නීතීඥ හිජාස් හිස්බුල්ලා මහතාව ඇප මත මුදාහැරීමට අභියාචනාධිකරණය අද (07) නියම කළේය.
පාස්කු ප්‍රහාරයට සම්බන්ධ බව කියමින් 2020 අප්‍රේල් 14 වනදා ඔහුව අපරාධ පරීක්ෂණ දෙපාර්තමේන්තුව විසින් අත් අඩංගුවට ගත් අතර මාස 18ක පමණ කාලයක් රැඳවුම් නියෝග යටතේ රැඳවුම් භාරයේ තබාගෙන සිට පසුව රක්ෂිත බන්ධනාගාරගත කරනු ලැබිණි. අවසානයෙහි පාස්කු ප්‍රහාරයට සම්බන්ධ බවට සාක්ෂි නොමැති වීම නිසා ඔහුට නඩු පැවරුණේ අන්තවාදී දේශනයක් සිදුකිරීම සම්බන්ධයෙනි.
තමන්ව ඇප මත නිදහස් කරන ලෙස ඒ මහතා විසින් අධිකරණ වෙත කරන ලද ඉල්ලීම් අවස්ථා ගණනාවකදී ප්‍රතික්ෂේප කෙරුණු අතර අද දිනයේදී අවසානයෙහි ඔහුට ඇප මත නිදහස් වීමේ අවස්ථාව ලැබී තිබේ.
RN
