පුවතේ Audio පිවිසුම වෙත!
සටහන – පුලී
පෙබරවාරි 09, LNW (කොළඹ): මෙවර Super Bowl halftime performance හි Bad Bunny ගේ මතභේදාත්මක රංගනය වෙනුවෙන් ලොව පුරා රසිකයන්ගෙන් දැවැන්ත සහයෝගයක් ලැබුණි. ඔහුගේ දක්ෂතාව පිළිබඳ කොටසක් විවාද කරමින් සිටියදී, පුවර්ටෝ රිකෝ තරුව වන Bad Bunny මේ වනවිට ඔහුගේ ඉන්ස්ටග්රෑම් ගිණුම ඩිලීට් කර ඇති බවක් දැක ගන්නට ලැබුණි.
දැනට, Bad Bunny ගේ Instagram ගිණුමේ කිසිදු සටහනක් නොපෙන්වන අතර, පෙනෙන විදිහට ඔහු ඔහුගේ පැරණි සටහන් වල රහස්යතා සැකසුම් මකා දමා හෝ වෙනස් කර ඇති බවක් පෙනේ. ඔහු සිය සමාජ මාධ්ය වේදිකාවේ සිටින සියල්ලන් Unfollow කර ඇති බවද නොරහසකි.
ඔහුගේ මෙම පියවර පිටුපස ඇති හේතුව තවමත් නොදන්නා අතර, එක් සමාජ මාධ්ය පරිශීලකයෙකු “සහෝදරයා මිනිස් ඉතිහාසය වෙනස් කළා” යැයි අදහස් දැක්වීය.
තවත් අයෙක් පැවසුවේ, “ඔහුට හැකි තරම් විශාල වේදිකා තිබෙනවා, ඒ නිසා ඔහු ඊළඟට තබන ඕනෑම පියවරක් Halftime Show එකට ආදරය කළත් නැතත්, සෑම කෙනෙකුගේම අවධානය දිනා ගනු ඇත.”
සුපර් බෝල් රංගනය සම්බන්ධයෙන් ඩොනල්ඩ් ට්රම්ප් බැඩ් බනීට කළ සැර පහර?
ඔහුගේ සුපර් බෝල් රංගනයෙන් පසු, එක්සත් ජනපද ජනාධිපති ඩොනල්ඩ් ට්රම්ප් එම වැඩසටහන දැඩි ලෙස විවේචනය කළේය. “සුපර් බෝල් අර්ධකාලීන සංදර්ශනය අතිශයින්ම භයානකයි, දැකපු නරකම එකක්! තේරුමක් නැති දෙයක්, එය ඇමරිකාවේ ශ්රේෂ්ඨත්වයට අපහාසයක් වන අතර එය අපගේ සාර්ථකත්වය, නිර්මාණශීලිත්වය හෝ විශිෂ්ටත්වය පිළිබඳ ප්රමිතීන් නියෝජනය නොකරයි.” ට්රම්ප් Truth Social හි මෙසේ ලිවීය.
අර්ධකාලීන සංදර්ශනය අතරතුර ස්පාඤ්ඤ ජාතිකයන් පමණක් නියෝජනය කරන රංගනයක් ඉදිරිපත් කරමින් Bad Bunny ඉතිහාසය නවමු සංධිස්ථානයක් එක් කළේය. ඔහු “එකට, අපි ඇමරිකාව” සහ “වෛරයට වඩා බලවත් එකම දෙය ආදරයයි” වැනි ප්රබල පණිවිඩ ද ඒ ඔස්සේ සමාජ ගත කරන්නට විය.
මේවා කනට ගත්ත ට්රම්ප්; “මේ මිනිහා කියන වචනයක්වත් කාටවත් තේරෙන්නේ නැහැ, ඒ වගේම නැටුම් පිළිකුල් සහගතයි, විශේෂයෙන් ඇමරිකා එක්සත් ජනපදය පුරා සහ ලොව පුරා සිටින කුඩා දරුවන්ට. මෙම “සංදර්ශනය” සෑම දිනකම නව ප්රමිතීන් සහ වාර්තා සකසමින් සිටින අපේ රටට “මුහුණට පහරක්” පමණයි – හොඳම කොටස් වෙළඳපොළ සහ ඉතිහාසයේ 401(k)s ඇතුළුව! අර්ධ කාලීන සංදර්ශනයක සහ ඔරලෝසුවක මෙම අවුල ගැන ආශ්වාදජනක කිසිවක් නැත, එයට ව්යාජ ප්රවෘත්ති මාධ්යවලින් විශිෂ්ට සමාලෝචන ලැබෙනු ඇත, මන්ද ඔවුන්ට සැබෑ ලෝකයේ සිදුවන්නේ කුමක්ද යන්න පිළිබඳ ඉඟියක් ලැබී නැත. – සහ, මාර්ගය එසේ වන විට, NFL එහි හාස්යජනක නව කික්ඕෆ් රීතිය වහාම ප්රතිස්ථාපනය කළ යුතුය. MAKE AMERICA GREAT AGAIN!” යනුවෙන් සැර ප්රකාශයක් ඉදිරිපත් කළේය.
මෙවර Super Bowl halftime performance හි දී ඉදිරිපත් කිරීමට නියමිත අනෙකුත් කලාකරුවන් වූයේ ලේඩි ගාගා, රිකී මාටින්, ග්රීන් ඩේ, චාලි පුත් ඇතුළු පිරිසකි. බැඩ් බනී සමඟ පෙඩ්රෝ පැස්කල්, ජෙසිකා ඇල්බා, කාඩි බී සහ කැරොල් ජී ද සිය ඉදිරිපත්කිරීම සමඟ එක් වූහ.
