ජාතික ජන බලවේගයේ ආණ්ඩුව වෙනුවෙන් නිතරම මාධ්‍ය හමුවේ පෙනී සිටින කැබිනට් ප්‍රකාශක, ආණ්ඩු පක්ෂයේ ප්‍රධාන සංවිධායක, සෞඛ්‍ය හා ජනමාධ්‍ය අමාත්‍ය, වෛද්‍ය නලින්ද ජයතිස්ස මහතා ඉලක්ක කරගෙන මඩගැසීමේ ව්‍යාපාරයක් ක්‍රියාත්මක වෙමින් තිබීම පිළිබඳව ආණ්ඩුවේ අවධානය යොමුව ඇති බව වාර්තා වේ.
මේ දිනවල නලින්ද ජයතිස්ස මහතාට එරෙහිව සමාජ මාධ්‍ය ජාල තුළ දැඩි විවේචන, අපහාස, උපහාස විශාල වශයෙන් එල්ල වන්නේ සංවිධානාත්මක වැඩපිළිවෙලක කොටසක් වශයෙන් වන බවට ආණ්ඩුවට තොරතුරු ලැබී ඇතැයි ආරංචිමාර්ග පැවසීය.
ඒ අනුව විපක්ෂයේ ඇතැම් කණ්ඩායම් විසින් මුදල් ගෙවා සමාජ මාධ්‍ය තුළ නලින්ද ජයතිස්ස මහතාට එරෙහි පෝස්ට් සහ කමෙන්ට් පළ කරවා ගනිමින් මෙම මඩ කැම්පේන් එක පවත්වාගෙන යන බවට තොරතුරු ලැබී ඇති බවත් සඳහන්.
