කොළඹ LNW:2022 අරගල සමයේ හානි වූ නිත්‍ය හා චංචල දේපල වෙනුවෙන් මැති ඇමතිවරු ලබාගත් වන්දි මුදල්, ඔවුන් ලබා දී ඇති වත්කම් බැරකම් ප්‍රකාශ සමඟ ගැළපෙන්නේ ද යන්න පිළිබඳව විමර්ශනයක් සිදුකරන ලෙස ඉල්ලමින් අද (10) අල්ලස් හෝ දුෂණ චෝදනා විමර්ශන කොමිෂන් සභාවට පැමිණිල්ලක් ඉදිරිපත් කළේය.
ඒ, අපේ පරපුර පක්ෂයේ සභාපති සිදම්බරම් කරුණානිදි මහතා විසිනි.
මෙම වන්දි ලබාගැනීම ගැන මේ වන විට සමාජයේ විවිධ මත ප්‍රචාරය වෙමින් පවතින අතර එවකට එම දේපළ තක්සේරු කිරීමේදී ප්‍රාදේශීය ලේකම්වරුන් වෙත යම් යම් බලපෑම් එල්ල වී ඇති බවට ද මේ වන විට සමාජය තුළ කතාබහක් මතුව තිබෙන හෙයිනේ එම සියලු කරුණු පිළිබඳව නිසි සොයා බැලීමක් කරන ලෙසයි ඔහු සිය පැමිණිල්ලෙන් ඉල්ලා ඇත්තේ.
උපරිම වන්දි සීමාවද ඉක්මවා ලක්ෂ සිය ගණනින් වන්දි මුදල් සැබෑ පදනම මෙන්ම එහි නීත්‍යානුකූලභාවය කුමක්ද යන්න පිළිබඳවත් ඔහු විමසීමක් කර තිබේ.
ආශිකා බ්‍රාහ්මණ
