සිය නිවසේ සේවය කළ මෙහෙකාර දැරියක් පිළිස්සීමකින් මියයාමේ සිදුවීමට අදාළව පාර්ලිමේන්තු මන්ත්රී රිෂාඩ් බදූර්දීන් මහතාට සහ ඔහුගේ බිරිඳට පනවා තිබුණු විදෙස් ගමන් තහනම තාවකාලිකව ඉවත් කිරීමට කොළඹ අතිරේක මහේස්ත්රාත් රජීන්ද්රා ජයසූරිය මහත්මිය ඊයේ (09) නියෝග කළාය.
ඒ, කටාර් රාජ්යයේ පැවැත්වෙන සමුළුවක් සඳහා සහභාගී වීමට අවසර දෙන මෙන් ඔවුන් දෙදෙනා සිය නීතීඥයින් මාර්ගයෙන් අධිකරණයට ඉදිරිපත් කළ ඉල්ලීමක් සලකා බැලීමෙන් අනතුරුව ය.
ඒ අනුව ඔවුන්ට එරෙහිව පනවා තිබුණු විදෙස් ගමන් තහනම ලබන මැයි 24 වනදා දක්වා ඉවත් කෙරුණු අතර ඔවුන්ට විදේශගත වීමට ද අධිකරණය අවසර ලබා දුන්නේය.
RN
