රාජ්‍ය ණය හා ණය සේවා ගැන වාර්තාවක් සෑම මසකම පළමු සතියේ පාර්ලිමේන්තු රැස්වීමට ලබාදෙන ලෙස එක්සත් ජාතික පක්ෂයේ පාර්ලිමේන්තු මන්ත්‍රී රනිල් වික්‍රමසිංහ මහතා අද (10) පාර්ලිමේන්තුවේදී රාජ්‍ය මුදල් කාරක සභාවෙන් ඉල්ලා සිටියේය.
විශේෂයෙන් විදේශ සංචිත ගැන පාර්ලිමේන්තුව දැනුවත් කරන ලෙස වික්‍රමසිංහ මහතා මෙහිදී සඳහන් කරන අතර එම වාර්තාව ගැන අනතුරුව සාකච්ජා කළ හැකි බවයි ඔහු පැහැදිලි කළේ.
මේ වන විට විදේශ සංචිත ඩොලර් බිලියනයක්වත් නොමැති බව දැනගන්නට ඇති බවත් ඒ නිසා මසකට වරක් මෙලෙස මූල්‍ය තත්ත්වය ගැන වාර්තාවක් ඉදිරිපත් වන්නේ නම් එය රටේ මූල්‍ය ස්ථාවරභාවය ඇතිවීමට හේතුවන බව වික්‍රමසිංහ මහතා සඳහන් කරන ලදී.
ASK
