ඉසුරු පරාක්‍රම
ලෝකය (LNW): තුර්කියේ සහ සිරියාවේ හටගත් දරුණු භූකම්පන හේතුවෙන් මිය ගිය පිරිස 25,000 ඉක්මවා ඇති බව ස්කයි නිව්ස් පුවත් සේවය වාර්තා කරයි.
මෙසේ මිය ගිය ප්‍රමාණය භූකම්පන හේතුවෙන් මිය ගිය බවට ලෝක සෞඛ්‍ය සංවිධානය පුරෝකථනය කළ පුද්ගලයන් සංඛ්‍යාව පවා අභිබවා ගොස් තිබීම විශේෂත්වයකි.
ඒ අනුව, තුර්කියේ මිය ගිය සමස්ත පුද්ගලයන් සංඛ්‍යාව 21,848 ලෙසත්, සිරියාවේ මිය ගිය සමස්ත පුද්ගලයන් සංඛ්‍යාව 3,553 දක්වා ඉහළ ගොස් ඇති අතර, මිය ගිය මුළු සංඛ්‍යාව 25,401 ලෙස ස්කයි නිව්ස් වාර්තා කරයි.
මේ අතර, එක්සත් ජාතීන්ගේ ආධාර ලබාදීමේ ඒකකයේ ප්‍රධානී මාර්ටින් ග්‍රිෆිත්ස් පවසා සිටියේ මිය ගිය පුද්ගලයන් සංඛ්‍යාව දෙගුණ විය හැකි බවයි.
ඡායාරූප: GETTY
