මාස තුනක් තිස්සේ දැනුවත් කර තිබියදී අඛණ්ඩ වැඩ වර්ජනයක් වළක්වා නොගැනීමට කටයුතු කිරීමට සම්බන්ධයෙන් සෞඛ්‍ය අමාත්‍යාංශය ලේකම්වරයාට එරෙහිව නීත්‍යානුකූල පියවර ගන්නා බව සෞඛ්‍ය වෘත්තියවේදින්ගේ සම්මේලනය අවධාරණය කරයි.
එහි කැඳවුම්කරු රවී කුමුදේශ් මහතා පවසන්නේ අඛණ්ඩ වැඩවර්ජනයකට යන බවට සෞඛ්‍ය අමාත්‍යාංශය දැනුවත් කර තිබියදී පසුගිය මස තුනක කාලය තුළ සිය ඉල්ලීම් සම්බන්ධයෙන් කිසිදු ප්‍රතිචාරයක් දැක්වීමට සෞඛ්‍ය ලේකම්වරයා කටයුතු නොකළ බවයි.
”විශේෂයෙන්ම මේ වර්ජනය කරනවා කියල මාස තුනක් තිස්සේ සෞඛ්‍ය අමාත්‍යාංශයට කියනවා. සෞඛ්‍ය අමාත්‍යාංශය මුල ඉඳලම මේ සම්බන්ධයෙන් කටයුතු කළේ මාර්ගයෙන් විසඳන්න නෙවෙයි. අඛණ්ඩ වැඩ වර්ජනයක් ඇතිවෙනකම් මාස තුනක් තිස්සේ අපි කියපු කිසිම කාරණයකට ප්‍රතිචාර දැක්වූයේ නැහැ. එම නීත්‍යානුකූල ගැටලුවට සෞඛ්‍ය ලේකම්වරයා ඇතුළු කණ්ඩායම 100%ක් වගකියන්නට ඕනේ. ඒ නිසා අපි බලාපොරොත්තු වෙනවා අඛණ්ඩ වර්ජනයක් වළක්වා ගැනීමට ඉතා හොඳ ඉඩකඩක් තිබියදී මාස තුනක් තිස්සේ ඒ වගකීම පැහැර හැරලා රටේ අඛණ්ඩ සෞඛ්‍ය වර්ජනයක් ඇති කරලා මහජනතාව අපහසුතාවයට පත්කිරීමට විරුද්ධව සෞඛ්‍ය ලේකම්වරයාට එරහිව නීත්‍යානුකූලව කටයුතු කරන්න” යනුවෙන් කුමුදේශ් මහතා වැඩිදුරටත් සඳහන් කරයි.
ASK
