ඉන්ධන මිල ඉහළ නැංවීම සඳහා ලංකා ඛනිජ තෙල් නීතිගත සංස්ථාව යළි රජයට යෝජනා කර තිබේ. ඒ අනුව සංස්ථාව විසින් විෂය භාර අමාත්‍ය උදය ගම්මන්පිල මහතා වෙත එම යෝජනාව සිදුකර ඇත.
ලෝක වෙළෙඳපොළේ බොරතෙල් මිල ඉහළ යාම නිසා ඉන්ධන මිල ඉහළ දැමීමේ අවශ්‍යතාව දැඩිව මතුව තිබෙන බවයි ලංකා ඛනිජ තෙල් නීතිගත සංස්ථාව පෙන්වාදෙන්නේ.
පවතින තත්ත්වය මත ඛනිජ තෙල් නීතිගත සංස්ථාව ඩීසල් ලීටරයක් වෙනුවෙන් රු.50කට ආසන්න පාඩුවක් සහ පෙට්‍රල් ලීටරයක් වෙනුවෙන් රු.15කට ආසන්න පාඩුවක් දරන බවද සඳහන්.
IOC සමාගමද පසුගිය 06 වැනිදා ඉන්ධන මිල ඉහළ දැමූ අතර එම තත්ත්වය මත සිපෙට්කෝ අලෙවි සල් වෙත ඉල්ලුමද ඉහළ ගොස් තිබේ.
ඒ අනුව එම ඉන්ධන සල් තුළද මිල ගණන ඉහළ දැමීමේ අවශ්‍යතාව මතුව ඇතත් ඒ සම්බන්ධයෙන් අමාත්‍යාංශයෙන් තවමත් නිශ්චිත පිළිතුරක් ලැබී නැති බවයි දැක්වෙන්නේ.
ASK
