සෞඛ්‍ය වෘත්තීය සමිති 18 ක් විසින් ආරම්භ කර තිබෙන අඛණ්ඩ වැඩ වර්ජනයෙන් රජයේ හෙද නිලධාරීන්ගේ සංගමය ඉවත් වී තිබේ.
මෙම වැඩවර්ජනයට අදාළව රජයේ හෙද නිලධාරීන්ගේ සංගමයට සහ එහි සභාපති සමන් රත්නප්‍රිය මහතාට එරෙහිව කොළඹ දිසා අධිකරණය විසින් පසුගිය 10 වැනිදා වාරණ නියෝගයක් නිකුත් කර තිබුණ අතර කෙසේවෙතත් එය නොතකා තවදුරටත් අද දිනය දක්වාම ඔවුන් වැඩවර්ජනයේ නිරත විය.
පවතින තත්ත්වය අනුව අධිකරණ නියෝගයට හිස නමමින් මෙම වැඩවර්ජනයෙන් තාවකාලිකව ඉවත් වීමටයි රජයේ හෙද නිලධාරීන්ගේ සංගමය තීරණය කර ඇත්තේ.
සෙසු වෘත්තීය සමිති 17 තවදුරටත් අඛණ්ඩ වැඩ වර්ජනයේ නිරතව සිටියි.
මේ අතර සෞඛ්‍ය සේවය සහ විදුලි සැපයුම අත්‍යවශ්‍ය සේවා ලෙස නම් කරමින් අද දින ජනාධිපතිවරයාගේ නියමයෙන් අතිවිශේෂ ගැසට් නිවේදනයක් ද නිකුත් කරනු ලැබීය.
ASK
