විදුලිබල හා බලශක්ති අමාත්‍ය කංචන විජේසේකර මහතා පවසන්නේ ඡන්දයට පෙර ලබන මස 8, 9 වනවිට විදුලිය කප්පාදුව, ඉන්ධන පෝලිම් වැඩි කර රටේ ආර්ථික අර්බුදයක් ඇති කිරීමට සමහර කණ්ඩායම් කුමන්ත්‍රණ කරමින් සිටින බවට තොරතුරු ලැබී ඇයි බවයි.
ඇතැම් කොමිෂන් සභාවල සිටින්නන් ද ඒ දේශපාලන ව්‍යාපාරය කළ බවත් පසුගිය වසරේ උසස් උසස් පෙළ කාලයේ පැය හත හමාරක් විදුලිය කැපූ බව සමහරුන්ට අමතක යැයි පැවසූ අමාත්‍යවරයා පෝලිම්වල ජනතාව දවස් දෙක තුන සිටි බවද කීවේය.
ඒ ප්‍රශ්නය කළමනාකරණය කර ගැනීමට හැකිවූ බවත් විදුලි බල මණ්ඩලයේ සහ ඛනිජ තෙල් නීතිගත සංස්ථාවේ වියදම්ද කළමනාකරණය කරගත යුතු බවත් ප්‍රතිව්‍යුහගතකරණ වැඩපිළිවෙළ හඳුන්වාදී ඇත්තේ ඒ සඳහා බවත් කංචන විජේසේකර මහතා පැවසීය. ඇතැමුන් එම කටයුත්තටද විරුද්ධ බව අමාත්‍යවරයා පැවසීය.
රෂිකා හෙන්නායක
