රෂිකා හෙන්නායක පෙබරවාරි 14, කොළඹ (LNW):
නිපුනතා සවිය ප්‍රතිලාභ යෝජන ක්‍රමය නමින්, සේවා නියුක්තයන්ගේ භාර අරමුදල් මණ්ඩලයේ සක්‍රීය සාමාජිකයන්ගේ උසස් පෙල විභාගයට පෙනී සිටි දරුවන් වෙනුවෙන් මූල්‍යාධාර ලබාදීමේ වැඩපිළිවෙලක් ආරම්භ වී ඇත.
2024 උසස්පෙල ප්‍රතිඵල අපේක්ෂිත දූදරුවන් වෙනුවෙන් ඔස්සේ එය ක්‍රියාත්මක වන බව සඳහන් වේ.
ජාතික වෘත්තීය නිපුනතා 3 /4 සහ 05 මට්ටමේ පිලිගැනීම සහිත තෘතීක හා වෘත්තිය අධ්‍යාපන කොමිෂන් සභාවේ ලියාපදිංචි වෘත්තීය පුහුණු ආයතන මගින් මෙහෙයවන තෝරාගත් පාඨමාලා 100ක් අතුරින් එක් පාඨමාලාවක් හැදෑරීම වෙනුවෙන් රුපියල් 50,000 ක උපරිමයකට යටත්ව ආධාර පිරිනැමීමට කටයුතු යොදා ඇත.
මෙම ප්‍රතිලාභ යෝජනා ක්‍රමය සඳහා අයදුම්පත් කැඳවීම ජනවාරි 22 වනදා සිට ආරම්භ වූ අතර, අප්‍රේල් 20 වනදා වන විට අයදුම්පත් භාර ගැනීම අවසන් වන බව, සේවා නියුක්තයන්ගේ භාර අරමුදල පවසයි.තොරතුරු ලබා ගැනීමට www.etfb.lk වෙබ් අඩවියට පිවිසීමෙන් හැකියාව පවතින බව වැඩිදුරටත් වාර්තා වේ .
.
