දැනට තිබෙන මුදල් ප්‍රවාහය අනුව උපද්‍රවයකින් තොරව මැතිවරණය සඳහා මුදල් ලබාදීමට හැකි තත්වයක් නොමැති යැයි මුදල් රාජ්‍ය අමාත්‍ය රංජිත් සියඹලාපිටිය මහතා පැවසූ බව කැබිනට් ප්‍රකාශක, අමාත්‍ය බන්දුල ගුණවර්ධන මහතා පවසයි.
“දැනට තියෙන තත්වය අනුව එක් එක් ආයතනවල ආයතන රාශියකට ගෙවීම් තියෙනවා. මම සියඹලාපිටිය රාජ්‍ය ඇමතිතුමාගෙ අහලා බැලුවා එසේ උපද්‍රවයක් නැතිවෙන ආකාරයකට මුදල් ලබාදෙන්න පුළුවන්ද කියලා. එතුමා නම් සඳහන් කළේ එතුමාට තේරෙන ආකාරයට මුදල් ප්‍රවාහය තුළ එවැනි තත්වයක් නැති බව. ඉතින් ඒ පිළිබඳව එතුමන්ලා අධිකරණයට කරුණු ඉදිරිපත් කරලා තියෙන බවත් කිව්වා”
අමාත්‍ය බන්දුල ගුණවර්ධන මහතා මේ බව පැවසුවේ අද (14) පැවති කැබිනට් තීරණ දැනුම් දීමේ මාධ්‍ය හමුව අමතමිනි.
RN
