අධිකරණ ක්‍රියාවලිය අවසන් වූ වහාම නැවත වෘත්තීය ක්‍රියාමාර්ග ආරම්භ කරන බවත් මර්දනයට එරෙහිව ජාත්‍යන්තර අධිකරණය හමුවට යන බවත් රජයේ හෙද නිලධාරීන්ගේ සංගමයේ සභාපති සමන් රත්නප්‍රිය මහතා පැවසීය.
අධිකරණය නියෝගයට ගරු කර වැඩවර්ජනය තාවකාලිකව නතර කළද වෘත්තීය අයිතිවාසිකම් ජයග්‍රහණය කරවීම වෙනුවෙන් අඛණ්ඩව කටයුතු කරන බවයි රත්නප්‍රිය මහතා පැවසුවේ.
සිය ඉල්ලීම් සම්බන්ධයෙන් සෞඛ්‍ය අමාත්‍යාංශය දැනුවත් කර තිබෙන්නේ මීට මාස 4කට පමණ පෙර සිට වන අතර ඒවා ඉටුකිරීම අමාත්‍යාංශය ලේකම්වරයා පවා මඟහැර ගොස් ඇති නිසා ඒ සම්බන්ධයෙන් ද අධිකරණය හමුවට යන බව රත්නප්‍රිය මහතා කියා සිටියේය.
මේ අතර සෞඛ්‍ය අමාත්‍යවරයා ලෙස කෙහෙළිය රඹුක්වැල්ල මහතාද පොරොන්දු පත්‍රයක් දී ඇතත් ඒවා ඉටුකර නැති අතර ජනාධිපතිවරයාද සිය වගකීම් පැහැර හැර ඇති බව ඔහු අවධාරණය කළේය.
ASK
