කොළඹ LNW:මාර්ග සංවර්ධන අධිකාරිය තම විෂය පථයට අයත් නොවන මාර්ග ප්රතිසංස්කරණය සඳහා රුපියල් කෝටි 14,715ක් වැය කර ඇති බවට තොරතුරු අනාවරණය වී තිබේ.
ඒ, ජාතික විගණන කාර්යාලය නිකුත් කළ අලුත්ම වාර්තාවක් මඟිනි.
මෙම මුදල වැය කර ඇත්තේ 2020 වර්ෂයේ සිට 2023 වර්ෂය දක්වා කාලයේදී බව එම වාර්තාවේ දක්වා තිබේ.
මෙම මුදලට මග නැගුම ග්රාමීය මාර්ග සංවර්ධන වැඩසටහන යටතේ මාර්ග කිලෝමීටර් 6426 ක් ප්රතිසංස්කරණය අලුත් වැඩියාව සහ සංවර්ධන කටයුතු සඳහා වැය කළ රුපියල් කෝටි 381ද ඇතුළත් අතර අධිකාරියේ විෂය පථයට අයත් නොවන මාර්ග ප්රතිසංස්කරණය යටතේ ඒ සම්බන්ධයෙන් කරුණු ඉදිරිපත් කර තිබේ.
විනිවිදභාවය ප්රශ්න කරමින් සමස්ත මාර්ග පද්ධතියේ දුර ප්රමාණයෙන් 73% ක ප්රතිශතයක් වූ කිලෝමීටර් 8958 ක මාර්ගයන්හි වූ වටිනාකම මූල්ය තත්ත්ව ප්රකාශනවල දක්වා නැති බවටද අනාවරණය වී ඇත.
විශේෂයෙන් මාර්ග පද්ධති සංවර්ධන සම්බන්ධීකරණ කමිටුවක් පත් කර මාර්ග පද්ධති සංවර්ධනය සහ නඩත්තුව සඳහා ක්රියාකාරී සැලැස්මක් සකස් කළ යුතු වුවත් ඒ අනුවද කටයුතු කර නැති බව සඳහන්.
ආශිකා බ්රාහ්මණ
