රෂිකා හෙන්නායක පෙබරවාරි 15, කොළඹ LNW :
තලංගම, අකුරේගොඩ ප්රදේශයේදී නීතිඥවරයෙකු සහ ඔහුගේ බිරිඳ ඝාතනය කිරීමේ සිදුවීම සම්බන්ධයෙන් පොලීසිය පුළුල් විමර්ශනයක් ආරම්භ කර ඇත.
මෙම අපරාධය සංවිධානාත්මක අපරාධකරුවෙකු විසින් මෙහෙයවා ඇති බවට සැක කෙරෙන අතර, ඝාතකයින් පැමිණි බවට සැක කරන මෝටර් රථය බද්දේගම ප්රදේශයේදී ගිනිබත් කර තිබියදී සොයාගෙන තිබේ.
අදාළ නීතිඥවරයා මීට පෙර මෙම අපරාධකරුගේ නඩු කටයුතු වෙනුවෙන් පෙනී සිට ඇති බවත්, වෙඩි තැබීම සුපිරි වෙළෙඳ සංකීර්ණයක රථ ගාලකදී සිදුව ඇති බවත් අනාවරණය වේ.
සැකකරුවන් කොටු කර ගැනීම සඳහා මේ වන විට විශේෂ පොලිස් කණ්ඩායම් දහයක් යොදවා ඇති අතර විවිධ විමර්ශන අංශ ඒකාබද්ධව කටයුතු කරයි.
මෙම ම්ලේච්ඡ ඝාතනයට සම්බන්ධ පුද්ගලයන් සොයා බුද්ධි අංශ සහ අපරාධ පරීක්ෂණ දෙපාර්තමේන්තුව අඛණ්ඩව මෙහෙයුම් ක්රියාත්මක කරනු ලබයි.
