හිටපු මහ බැංකු අධිපති අජිත් නිවාඩ් කබ්රාල් මහතාට එරෙහිව කොළඹ මහෙස්ත්‍රාත් අධිකරණයෙන් ගොනුකර තිබු විදෙස් ගමන් තහනම අප්‍රේල් මස 6 වන දින තෙක් යළි දීර්ඝ කළ අතර, අප ඒ පිළිබඳව සිදුකළ විමසීමකදී කබ්රාල් මහතා ඒ පිළිබඳ අප වෙත පැවසූවේ මෙවන් අදහසකි.
“මේ සම්බන්ධව, කිසිදු විමසීමක් හෝ නීතිමය ක්‍රියාවලියක් අතරතුර විදේශගත වීමට මට කිසිසේත්ම අදහසක් නොමැති බැවින් පැමිණිලිකරුගේ සංචාරක තහනම් ඉල්ලීමට විරුද්ධ හෝ ප්‍රතිරෝධය නොදක්වන ලෙස අධිකරණයේ මා වෙනුවෙන් පෙනී සිටින උගත් ජනාධිපති නීතීඥවරයාගෙන් මම සැමවිටම ඉල්ලා සිටින බව ප්‍රකාශ කිරීමට කැමැත්තෙමි. 2015 සිට 2019 දක්වා කාලය තුළ විවිධ පුද්ගලයන් මට එරෙහිව පදනම් විරහිත චෝදනා එල්ල කළ කාලය තුළ පවා, මම ඉතා උනන්දුවෙන් එම ස්ථාවරය අනුගමනය කර මගේ නම ඉවත් කර ගත් අතර, මම දැන් එම පිළිවෙත අනුගමනය කරමි.
“රටට අත්විඳිය හැකි කුමන හෝ අඩුපාඩුකම් මධ්‍යයේ වුවද ශ්‍රී ලංකාවේ ජීවත්වීමට සහ මිය යාමට මා සෑහීමකට පත්වන බැවින්, මා කිසිදු විදේශීය ආයතනයක විදේශගතව සේවය කර නොමැති බව හෝ ශ්‍රී ලංකාව හැර වෙනත් කිසිදු රටක ස්ථිර පදිංචිය හෝ පුරවැසිභාවය අයදුම් කර නොමැති බව ආඩම්බරයෙන් ප්‍රකාශ කළ හැකිය”
අද දින කීර්ති තෙන්නකෝන් මහතා අධිකරණය හමුවේ පෙනී සිට නැති අතර, ඔහුගේ ජේෂ්ඨ නීතිඥ ජනාධිපති නීතිඥ මෛත්‍රි ගුණරත්න මහතා ද පැමිණ සිට නැති බව තොරතුරු හෙලි විය. තෙන්නකෝන් මහතා වෙනුවෙන් පෙනී සිටියේ කනිෂ්ඨ නීතිඥවරයකු වන අතර, කබ්රාල් මහතා වෙනුවෙන් ජනාධිපති නීතිඥ සම්පත් මැන්දිස් මහතා ඉදිරිපත් වී තිබිණි.
රෂිකා හෙන්නායක
