ඔව් ඇත්ත
ආදරය තමයි
ඒ විශාලම ත්‍යාගය
ඔබ දුන්න…
ඔබට පුළුවන්
ඉරට වුව
සඳට වුව
අකීකරු වන්නට
ඒත් අපි ඔය හඬට
මොන තරම් කීකරු ද.
සන්තානයට වැදී
අඩි තබා ඇවිද
වේගයෙන් නික්ම යන
පෙම් පතුල් අතරත
හද ගැඹර නැවතුණ
සදාකාලික පෙම්වතිය
ඉතින් වෙන කවුරුද?
අවසර පවා නොගෙන ම
කටහඬක් පවා
සිපගන්න ඇහැකි බව
කියා දුන්නාට
අඩදැණිව හිස නමමි.
සඳවතට එරෙහිව
කළුවරට එදිරිව
අපි හෙව්ව
ඒ කෙල්ල
වෙන කවුද
ඔබ ම මිස.
~ මංජුල වෙඩිවර්ධන
RN
