දින හතක් වයසැති තම බිළිඳු දියණිය පොළවේ ගසා ඝාතනය කිරීමේ සිද්ධියක් සම්බන්ධයෙන් 28 හැවිරිදි මවක් පොලීසිය විසින් අත් අඩංගුවට ගෙන තිබේ.
මෙසේ අත් අඩංගුවට ගෙන ඇත්තේ පයාගල – කැන්දගහවිල ප්‍රදේශයේ පදිංචි කාන්තාවකි.
ඝාතනයට ලක්ව ඇත්තේ ඇයට උපන් නිවුන් දැරියන් දෙදෙනාගෙන් බාල දැරිය බවයි පොලිසිය පවසන්නේ.
එම බිළිඳිය ඇඳෙන් වැටී අනතුරට ලක්වූ බව පවසමින් පසුගිය 15 වනදා ඇයව කළුතර මහ රෝහලට ඇතුළත් කර තිබුණු අතර පසුව පැවති පශ්චාත් මරණ පරීක්ෂණයේදී එය ඝාතනයක් යැයි හෙළිදරව් වී ඇති බවත් සැකකාර මව අවස්ථා තුනකදී දැරියව පොළවේ ගසා ඇතැයි විමර්ශනවලදී අනාවරණය වූ බවත් පොලීසිය සඳහන් කරයි.
RN
