අමාත්ය මහින්ද අමරවීර මහතා සත්ත්ව නිෂ්පාදන හා සෞඛ්ය දෙපාර්තමේන්තුවට උපදෙස් දී තිබෙන්නේ ආනයනික බිත්තර බේකරි කර්මාන්තය තුළ භාවිත කිරීම සඳහා මාර්ගෝපදේශන මාලාවක් සකස් කරන ලෙසයි.
එහිදී බේකරි නිෂ්පාදන සඳහා ආනයනික බිත්තර භාවිත කරන විට බිත්තර කටු ආරක්ෂිතව බැහැර කිරීම හෝ විනාශ කිරීම සිදු කළ යුතු අතර ඒවා පාවිච්චියේදී අත් ආවරණ යොදා ගැනීම සිදුකල යුතු බවයි. අනිවාර්යයෙන්ම බිත්තර කටු පරිසරයට මුදා හැරීම නොකළ යුතු අතර ඒවා පිළිබඳ වැඩි සැලකිලිමත් විය යුතු බව අමාත්යවරයා දැනුම් දී ඇත.
මෙම මාර්ගෝපදේශ නිකුත් කර තිබෙන්නේ රටවල් කිහිපයක ව්යාප්ත වී යන කුරුළු උණ වෛරසය මෙරටට ඇතුළුවීමට වැළැක්වීමේ අරමුණින් බවත් පසුගිය දිනවල මෙරට වෙළෙඳපොලේ ඇතිවූ බිත්තර හිඟය අවම කිරීම සඳහා බිත්තර ආනයනය කිරීමට රජය තීරණය කර ඇත. ඉන්දියාව ඇතුළු රටවල් කිහිපයක ව්යාප්තවී යන කුරුළු උණ හේතුවෙන් සත්ත්ව නිෂ්පාදන හා සෞඛ්ය දෙපාර්තමේන්තුව ඒ සඳහා අවසර ලබා දුන්නේ නැත. පවතින බිත්තර හිඟය සහ අවශ්යතාවය සැලකිල්ලට ගනිමින් තාවකාලිකව බිත්තර ආනයනය සඳහා සත්ත්ව නිෂ්පාදන හා සෞඛ්ය දෙපාර්තමේන්තුව මේ වනවිට අවසර ලබා දී තිබුණත් එම බිත්තර බේකරි කර්මාන්තය සඳහා පමණක් භාවිත කිරීමට තීරණය කර ඇත.
රෂිකා හෙන්නායක
