මහා පරිමාණ මත්ද්රව්ය ජාවාරම්කරුවකු වන ශිරාන් බාසික් නමැත්තාගේ සමීපතම ගෝලයකු හෙරොයින් සමග පෙරේදා (16) පස්වරුවේ වැල්ලවත්ත ප්රදේශයේ සුඛෝපභෝගී මහල් නිවාස සංකීර්ණයක් අසලදී අත් අඩංගුවට ගෙන තිබිණි.
එසේ අත් අඩංගුවට පත්ව ඇත්තේ කොටිකාවත්ත ප්රාදේශීය සභාවේ ශ්රී ලංකා පොදුජන පෙරමුණේ හිටපු මන්ත්රීවරයකු බව සඳහන්.
සැකකරු පැමිණි මෝටර් රථය පරීක්ෂා කිරීමට යෑමේදී විශේෂ කාර්ය බළකා නිලධාරියෙකු ද අනතුරට ලක්කරමින් පළායෑමට ඔහු උත්සාහ කර ඇති අතර පොලීසිය සඳහන් කළේ එම අවස්ථාවේදී සැකකරු සමග ශිරන් බාසික්ගේ පුත්රයා වන නදීන් බාසික් නැමැත්තාද සිට ඇති බවය.
පසුව ඔවුන් මෝටර් රථයෙන් බැස දිවයන අයුරු අසල වූ සීසීටීවී කැමරාවක සටහන්වී තිබුණි.
එම අවස්ථාවේදී ඔවුන් පසුපස හඹායන නිලධාරීන් එක් සැකකරුවකු අත්අඩංගුවට ගත්තද ඒම රූපරාමුවල සිටින ශිරාන් බාසික්ගේ පුත්රයා පළාගොස් තිබේ.
අත්අඩංගුවට ගත් සැකකරු සතුව තිබී සුඛෝපභෝගී මෝටර් රථ තුනක යතුරු තිබී ඇති අතර ඒ්වා පරීක්ෂා කිරීමේදී එහි තිබී හෙරොයින් ග්රෑම් 19ක් හා විදෙස් මුදල් තොගයක් ද සොයාගෙන තිබේ.
එමෙන්ම පලා ගිය නදීන් බාසික්ගේ විදෙස් ගමන් බලපත්රය ද වාහනයේ තිබී හමුවී ඇත.
RN
