සටහන – රෂිකා හෙන්නායක
පෙබරවාරි, 18 කොළඹ (LNW): ජනතාව තමන් වහන්සේ හඳුනාගෙන ඇත්තේ ජාතිකවාදී සිංහල බෞද්ධ කොටි විරෝධියෙකු ලෙස යැයි පාර්ලිමේන්තු මන්ත්‍රී, පූජ්‍ය අතුරලියේ රතන හිමි කියා සිටී.
නමුත් උන් වහන්සේ පවසන්නේ, සිය මතවාදය එය නොවන බවත් ඒවා කාලීනව පැන නැඟුණු ප්‍රශ්න බවයි.
රතන හිමි සඳහන් කළේ, සිය මතවාදය ජනතාව මූලික කරගත් ස්වයංපෝෂිත ආර්ථිකයක් ගොඩනැඟීම බවත්, බටහිර ඇතුළු වෙනත් රටවල් මත යැපෙන ඇමරිකානු ගැති ආර්ථික මොඩලයෙන් රට දැන් මිදිය යුතු බව ද අතුරලියේ රතන හිමි විසින් අවධාරණය කර සිටී.
