සටහන – නිශ්මං රණසිංහ
පෙබරවාරි, 19 කොළඹ (LNW): ශ්‍රී ලංකාව සහ ඇෆ්ගනිස්තානය අතර පැවත්වෙන් දෙවන විස්සයි විස්ස තරගයට ද පළමු තරගයට ක්‍රීඩා කළ ජයග්‍රාහි කණ්ඩායමම ඉදිරිපත් කිරීමට තීරණය කර තිබෙනවා.
පළමු තරගයේදී ශ්‍රී ලංකාව ලකුණු 4 ක සියුම් ජයග්‍රහණයක් ලැබූ අතර එහිදී වඩාත්ම කැපී පෙණුනේ කණ්ඩායමක් ලෙස අවසාන පන්දුව තෙක්ම විශ්වාසයෙන් සටන් කිරීමට ඔවුන් තුළ තිබුණ අධිෂ්ඨානය ය.ඒ ජයග්‍රහණය වෙනුවෙන් කරන කැපවීම නිසාම 18 වන ඕවරය නිමා වන මොහොතේදී ත් ඇෆ්ගනිස්තානයට වැඩිපුර වාසි හිමි වී තිබූ තරගය 19 වන ඔවරයේ මතීහ පතිරණගේ ඕවරයෙන් කණපිට හරවා ලකුණු 4 ක ජයක් කරා රැඟෙන යන්නට ශ්‍රී ලංකාවට හැකි විය.ජයග්‍රාහී තරගයේදී නැවත භාර දෙන පන්දුව ආවරණයේදී දැක් වූ දුර්වලකම මේ තරගයේදී විසඳාගෙන තරග කිරීමට ශ්‍රී ලංකාව කටයුතු කළහොත් වඩාත් පහසුවෙන් තරගයට මුහුණ දීමට හැකිය.
