පසුගිය වසරේ සමුද්ර ජෛව විවිධත්වය පිළිබඳ අන්තර් රාජ්ය සමුළුව විධිමත් එකඟතාවයකින් තොරව අත්හිටුවීමත් සමඟ එය නැවත ලෝකයේ සාගර ජෛව විවිධත්වය ආරක්ෂා කිරීම සඳහා වන එක්සත් ජාතීන්ගේ සාමාජිකයින් අද(20) වන දින සිට මාර්තු මස (03)වන දින දක්වා එක්සත් ජනපදයේ නිව් යෝර්ක් නගරයේ දැවැන්ත සමුද්ර පරිසර පද්ධති සංරක්ෂණය සහ තිරසාර භාවිතය සඳහා ඒකාබද්ධ ගිවිසුමක් ඇති කිරීම වෙනුවෙන් සාකච්ඡා කටයුතු අරඹනු ඇති බව වාර්තා වේ.
ඒ අනුව සාගර සහ ජාත්යන්තර පාරිසරික සහ විද්යාත්මක කටයුතු පිළිබඳ එක්සත් ජනපද සහකාර රාජ්ය ලේකම් මොනිකා මෙඩිනා පැවසුවේ මෙම ගිවිසුම තම රටට ප්රමුඛතාවයක් වන බවත් ග්රහලෝකයේ සාගරවලින් සියයට 30 ක් මෙන්ම එහි භූමිය සංරක්ෂණය සඳහා ආරක්ෂා කිරීමට එක්සත් ජාතීන්ගේ ජෛව විවිධත්ව සමුළුවේ මෑත කාලීන ප්රතිඥාව ක්රියාත්මක කිරීමට ගෝලීය සාගර ගිවිසුමක් අවශ්ය බවත්ය.
මෙහිදී ගැඹුරු මුහුදේ මසුන් ඇල්ලීම, පතල් කැණීම, ප්ලාස්ටික් දූෂණය, දේශගුණික විපර්යාස, සහ අනෙකුත් මානව කැලඹීම් ව්යාප්ත වීම, නැව්ගත කිරීම සහ පතල් කැණීම වැනි වාණිජ කටයුතුවල පාරිසරික බලපෑම් තක්සේරු කිරීම, සමුද්ර ආරක්ෂිත ප්රදේශ වල මායිම් ඇඳිම සිදු කරනු ලබන ආකාරය හා මේ වෙනුවෙන් නීතිය ක්රියාත්මක කරනුයේ කෙසේද? යන්න පිළිබඳව පුළුල්ව සාකච්ඡා වනු ඇත. ඒ හරහා සාගරීය කටයුතු වෙනුවෙන් මිනිස් බලපෑම් අවම කරමින් නව නීති පද්ධතියක්ද ප්රතිස්ථාපනය කරනු ඇත.
සශිකලා මධුෂාණී_