කොළඹ LNW:ඊශ්රායලය හා හමාස් සංවිධානය අතර ක්රියාත්මක සටන් විරාම ගිවිසුමට අනුව හෙට (22) දිනයේ ඊශ්රායලය භාරයේ සිටි පලස්තීන ප්රාණ ඇපකරුවන් 602ක් නිදහස් කිරීමට නියමිත බව විදෙස් වාර්තා පෙන්වා දෙයි.
හමාස් සංවිධානය විසින් නිවේදනය කර ඇති අන්දමට ඊශ්රායල ප්රාණ ඇපකරුවන් හය දෙනා නිදහස් කිරීමෙන් අනතුරුව උක්ත හයසිය දෙදෙනා නිදහස් කිරීමට නියමිත බව සඳහන්.
එම 602 අතර ජීවිතාන්තය දක්වා සිර දඬුවම් ලබා සිටි 50ක්,දිගුකාලීන සිරදඩුවම් දී සිටි 60ක්,ගැටුම් ආරම්භ වූ 2023 ඔක්තෝම්බර් 07න් පසු අත්අඩංගුවට ගත් ගාසා තීරයේ සිරකරුවන් 445ක් සහ 2011දී දී ගිලාඩ් ෂාලිට් සිරකරුවන්නිදහස් කිරීමෙන් පසු නැවත අත්අඩංගුවට ගත් පලස්තීනුවන් 47ක් සිටින බව දැක්වෙයි.
මේ අතර ඊශ්රායලයේ ටෙල්අවිව් අගනුවරට ආසන්න ප්රදේශයක දී බස් රථ තුනක පිපිරීම් සිදුව තිබේ. එම පිපිරීම් ත්රස්ත ප්රහාරයන් බවටයි සැක පළ කරන අතර පිපිරීම්වලින් සිදුවූ ජීවිත හානි පිළිබඳ නිවැරදි තොරතුරු වාර්තා වී නොමැති බව සඳහන්.
මෙම පිපිරීම් හේතුවෙන් ඊශ්රායලයේ අනෙකුත් පොදු ප්රවාහන සේවා තාවකාලිකව නවතා දැමීමටද ප්රවාහන අමාත්යවරයා නියෝග කර ඇත.
ආශිකා බ්රාහ්මණ
