සටහන: සශිකලා මධුෂාණි, පෙබරවාරි 22,
ලෝකය(අවුට්බවුන්ඩ් ටුඩේ) : මධ්‍යම වෙනිසියුලාවේ බොලිවර් කලාපයේ නීතිවිරෝධී ලෙස ක්‍රියාත්මක කරන ලද රන් ආකරයක පස් බැම්මක් කඩා වැටීමෙන් අවම වශයෙන් පුද්ගලයින් 23 දෙනෙකු මිය ගොස් විශාල ප්‍රමාණයක් තුවාල ලබා ඇති බව වාර්තා වේ.
ආසන්නතම නගරය වන ලා පැරගුවා සිට පැය හතක බෝට්ටු ගමනක් ගිය පසු හමුවන මෙම නීතිවිරෝධී පතලේ අනතුර සිදුවන විටත් පුද්ගලයන් 200 ක් පමණ වැඩ කරමින් සිට ඇත.
බොලිවර් කලාපය රන්, දියමන්ති, යකඩ, බොක්සයිට්, ක්වාර්ට්ස් සහ කෝල්ටන් වලින් පොහොසත් ය. රජයේ පතල් හැරුණු විට, නීති විරෝධී ලෙස විශාල වශයෙන් පතල් කැනීම් සිදු වේ.
