සටහන – රුවන් නෙළුගොල්ල
කිසියම් පුද්ගලයකු මත්පැන් බලපත්‍රලාභීන්ට දුරකථන ඇමතුම් ලබාදෙමින් සුරාබදු කොමසාරිස් ජනරාල් යැයි පවසා ඔවුන්ගෙන් මුදල් ඉල්ලා සිටින බවට තොරතුරු ලැබී ඇති බව සුරාබදු කොමසාරිස් ජනරාල් උදය කුමාර පෙරේරා මහතා පවසයි.
මෙය තමන් අපහසුතාවට පත්කිරීමේ කුමන්ත්‍රණයක් බවත් මීට තමන්ගේ කිසිදු සම්බන්ධයක් නොමැති බවත් පවසන සුරාබදු කොමසාරිස් ජනරාල්වරයා තමන් වෙනුවෙන් හෝ තමන්ගේ නම භාවිතා කරන කිසිදු තැනැත්තෙකුට හෝ මුදල් ලබානොදෙන ලෙසත් ඉල්ලා සිටී.
