සටහන – රුවන් නෙළුගොල්ල
2026 ජනවාරි මාසයට අදාළව ජනලේඛන හා සංඛ්යාලේඛන දෙපාර්තමේන්තුව විසින් නවතම දරිද්රතා රේඛා සටහන නිකුත් කර තිබේ.
ඒ අනුව මෙරට එක් පුද්ගලයකුට සිය අවම මූලික අවශ්යතා සපුරා ගැනීම සඳහා මාසයකට අවශ්ය මුදල රු. 16,730 ක් ලෙසින් සඳහන් වේ. ජාතික අගයයක් ලෙසින් ප්රකාශයට පත් කර ඇති මෙම අගයය එක් එක් දිස්ත්රික්කයට අනුව වෙන් වෙන් වශයෙන් ද දක්වා ඇත.
එම සටහන අනුව අනුව කොළඹ දිස්ත්රික්කය තුළ සිටින පුද්ගලයෙකුට දරිද්රතා මට්ටමට වඩා ඉහළින් සිටීමට නම්, 2026 ජනවාරි මාසය වන විට රු. 18,044 ක් අවශ්ය වන අතර එය ශ්රී ලංකාවේ දිස්ත්රික්ක 25න් සිය අවම මූලික අවශ්යතා සපුරා ගැනීමට වැඩිම වැයක් දැරීමට සිදුවන දිස්ත්රික්කය වේ.
එම සටහනට අනුව අවම අගය සටහන් වී ඇත්තේ මොණරාගල දිස්ත්රික්කය ඉදිරියෙන් වන අතර එය රු. 15,997 ක් ලෙසින් වාර්තා වේ.
පෙර මාසයට සාපේක්ෂව 2026 ජනවාරි මාසයේදී වාර්තා වූ ඉහළ ජාතික පාරිභෝගික මිල දර්ශක අගය මෙම නිල දරිද්රතා රේඛාවේ වැඩිවීමට හේතුවී ඇති බව බවයි ජනලේඛන හා සංඛාලේඛන දොපර්තමේන්තුව වැඩිදුරටත් සඳහන් කරන්නේ.
