රෂිකා හෙන්නායක පෙබරවාරි 27, කොළඹ LNW :
නවසීලන්තයේ උසස් අධ්යාපනය හැදෑරීමට අපේක්ෂා කරන ශ්රී ලාංකික සිසුන් වෙනුවෙන් LeadPro New Zealand Education Consultants ආයතනය සංවිධානය කළ විශේෂ දැනුවත් කිරීමේ වැඩමුළුව පසුගියදා කොළඹ බණ්ඩාරනායක අනුස්මරණ ජාත්යන්තර සම්මන්ත්රණ ශාලාවේදී (BMICH) ඉතා සාර්ථක අයුරින් පවත්වන ලදී.
ශ්රී ලංකාවේ සිසුන්ට නවසීලන්තයේ පවතින උසස් අධ්යාපන අවස්ථා, වීසා බලපත්ර ලබාගැනීමේ නිවැරදි ක්රමවේද සහ එරට ජීවන රටාව පිළිබඳව සත්ය සහ විශ්වාසනීය තොරතුරු ලබාදීම මෙම වැඩමුළුවේ ප්රධාන අරමුණ විය. මෙම අවස්ථාව සඳහා දිවයිනේ නන්දෙසින් පැමිණි සිසුන් සහ දෙමාපියන් විශාල පිරිසක් සහභාගී වූහ.
මෙහිදී අදහස් දැක්වූ LeadPro New Zealand Education Consultants ආයතනයේ ප්රධාන විධායක නිලධාරී ඉන්දික රත්නායක මහතා මෙසේ ප්රකාශ කළේය:
“අපගේ මූලික අරමුණ වන්නේ නවසීලන්තයට යාමට බලාපොරොත්තු වන සිසුන්ට අතරමං නොවී, ඉතාමත් විනිවිදභාවයකින් යුත් මගපෙන්වීමක් ලබාදීමයි. නවසීලන්තයේ අධ්යාපනය ලැබීම යනු හුදෙක් උපාධියක් ලබාගැනීම පමණක් නොව, එය ජාත්යන්තර මට්ටමේ වෘත්තීය අවස්ථාවන් සඳහා විවර වන දොරටුවක්. එම ගමන සාර්ථක කර ගැනීමට අවශ්ය සෑම සහයෝගයක්ම ලබාදීමට අප ආයතනය සැදී පැහැදී සිටිනවා.”
වැඩමුළුව අතරතුර, සහභාගී වූ සිසුන්ට තමන් කැමති අධ්යයන ක්ෂේත්රයන්ට අදාළව නවසීලන්තයේ ඇති පිළිගත් විශ්වවිද්යාල සහ උසස් අධ්යාපන ආයතන තෝරා ගැනීම පිළිබඳව වෘත්තීය උපදේශකවරුන් සමග පෞද්ගලිකව සාකච්ඡා කිරීමට ද අවස්ථාව සැලසුණි. මීට අමතරව, මූල්ය අවශ්යතා සපුරා ගැනීම සහ වීසා සම්මුඛ පරීක්ෂණ සඳහා සූදානම් වන ආකාරය පිළිබඳව ද මෙහිදී විශේෂ අවධානයක් යොමු කෙරිණි.
නවසීලන්ත අධ්යාපන උපදේශන ක්ෂේත්රයේ වසර ගණනාවක විශ්වාසනීය අත්දැකීම් සහිත LeadPro ආයතනය, සිසුන්ගේ අනාගතය සුරක්ෂිත කිරීම වෙනුවෙන් මෙවැනි වැඩසටහන් අඛණ්ඩව ක්රියාත්මක කිරීමට බලාපොරොත්තු වන බව එම ආයතනය වැඩිදුරටත් සඳහන් කරයි.
