ජාතික ජන බලවේගය විසින් පසුගිය 26 වැනිදා කොළඹදී පැවති විරෝධතාව අතරතුර කඳුළු ගෑස් හා ජාල ප්රහාර හමුවේ එහි නායක පාර්ලිමේන්තු මන්ත්රී අනුර දිසානායක මහතා සැඟවී සිටි බවට එල්ල කරන ප්රකාශ වෙත අද (28) ඔහු පිළිතුරු ලබා දුන්නේය.
”(සිනහසෙමින්) ඔයගොල්ලෝ හිටියනේ එතන.ඔයගොල්ලෝ දැක්කනේ මොකක්ද වුණේ කියල.රැස්වීම් ඉවර වුණහම එන නායකයෝ ඉන්නවා.රැස්වීම් වලින් පිටස්තර ඉන්න නායකයෝ ඉන්නවා. අපි එහෙම නෙවෙයි.ජනතාවත් එක්ක හිටියේ. ඒ නිසා ඔඅබගේ වීඩියෝ හොඳින් බලන්න සිදුවුණ දේ.” යනුවෙනුයි ඔහු අදහස් පළකළේ.
ඒ, මැතිවරණ කොමිසමේ රැස්වීමකට පැමිණි අවස්ථාවේ මාධ්ය වෙත අදහස් දක්වමිනි.
ප්රජාතන්ත්රවාදී අයිතිවාසිකම් වෙනුවෙන් ජනතාවට සටන් කිරීමට අයිතියක් ඇති අතර තමන් නියෝජනය කරන දේශපාලන ව්යාපාරය ලෙස විරෝධතාවලට සහභාගිවන ජනතාවගේ වගකීම ගන්නා බවද හෙතෙම සඳහන් කළේය.
එම පහර දීම් හමුවේ ජාතික ජන බලවේගයේ ක්රියාකාරී සාමාජිකයෙක් මිය ගිය අතර එය පැහැදිලි ලෙසම ඝාතනයක් බවයි අනුර දිසානායක මහතා අවධාරණය කළේ.
ආශිකා බ්රාහ්මණ
