2016 ජනවාරි මාසයෙන් පසු බඳවා ගත් රාජ්‍ය සේවකයින් සඳහා විශ්‍රාම වැටුප් ලබාදීම වෙනුවෙන් ජාතික දායකත්ව විශ්‍රාම අරමුදල නමින් අරමුදලක් ස්ථාපිත කිරීම සඳහා ජනාධිපති රනිල් වික්‍රමසිංහ මහතා විසින් ඉදිරිපත් කළ කැබිනට් පත්‍රිකාවකට අනුමැතිය හිමිව තිබේ.
ඒ අනුව, රාජ්‍ය සේවකයකු රාජ්‍ය සේවයට බැඳීමෙන් අනතුරුව ඔහුගේ මූලික වැටුපෙන් 8% ක් සහ සේවායෝජකයාගේ දායකත්වය වශයෙන් 12% ක් යෝජිත අරමුදලට බැර කළ යුතුවේ.
එම විශ්‍රාම අරමුදල කළමනාකරණය කිරීම සඳහා කළමනාකරණ මණ්ඩලය මගින් පාලනය වන ස්වාධීන ආයතනයක් පිහිටුවීමට නියමිත අතර අරමුදල් කළමනාකරණය සඳහා විශේෂ සුදුසුකම් සහිත කළමනාකරුවකු ද පත්කිරීමට නියමිත ය.
මේ සඳහා අවශ්‍ය විධිවිධාන සැලසීමට හැකිවන පරිදි පනත් කෙටුම්පතක් සකස් කිරීමට නීතිපති කෙටුම්පත් සම්පාදකට උපදෙස් දීම සඳහා ජනාධිපතිවරයා ඉදිරිපත් කළ යෝජනාව කැබිනට් මණ්ඩලය විසින් අනුමත කර ඇත.
RN
