පවතින තත්ත්වය කළමනාකරණය කර ගැනීම සඳහා වෘත්තීය සමිති වෙතින් ජනාධිපතිවරයා මාස හයක කාලයක් ඉල්ලා තිබියදී වැඩවර්ජන සිදුකිරීම සදාචාරාත්මක නොමැති බව ජනාධිපති වෘත්තීය සමිති අධ්‍යක්ෂ ජනරාල් සමන් රත්නප්‍රිය මහතා අද (28) මාධ්‍ය වෙත අදහස් දක්වමින් පැවසුවේය.
බදු, සහ පොළී අනුපාත වැඩි කිරීමට තමන් මෙන්ම ජනාධිපතිවරයාද විරුද්ධ නමුත් රටේ බහුතරයකට කන්න නොමැති, දිය නොහැකි තත්ත්වයක් පවතින හෙයින් තත්ත්වය කළමනාකරණය කර ගැනීම සඳහා හැකි අය ටිකක් දිය යුතු වන බවයි රත්නප්‍රිය මහතා සඳහන් කළේ.
මිලියන 22 ජනතාව ආරක්ෂා කරගැනීම සඳහා සියලුම දෙනා මැදිහත් විය යුතුවන බව ඔහු පැවසුවේය.
ජාත්‍යන්තර මූල්‍ය අරමුදල කළමනාකරණය කරගනිමින් රටේ මූල්‍ය ස්ථාවරත්වය ඇතිකර ගත යුතු වන බවත් දැන් එම කටයුතු සිදුවෙමින් පවතින බවත් හෙතෙම ප්‍රකාශ කරන ලදී.
”හදිසි ප්‍රශ්නයට හදිසි උත්ටහ්රයක් ඕනේ. ඒ නිසා තමයි බදු ටිකක් වැඩි කරලා,මාස හයක් ඉවසල හැමෝම එකතුවෙලා මේ රටේ ඉතුරු ප්‍රශ්න විසඳගමු කියල කියන්නේ. නමුත් ඒකට ඉඩ දෙන්නේ නැහැ.” යනුවෙන් රත්නප්‍රිය මහතා වැඩිදුරටත් ප්‍රකාශ කළේය.
ආශිකා බ්‍රාහ්මණ
