සටහන – රෂිකා හෙන්නායක
මාර්තු 01, කොළඹ (LNW):අනුරාධපුර දිස්ත්‍රික් ගොවි සංවිධාන නියෝජිත හමුව අනුරාධපුර දිස්ත්‍රික් ලේකම් කාර්යාලයේදී ඇමතිනී පවිත්‍රා වන්නිආරච්චි මහත්මියගේ ප්‍රධානත්වයෙන් පැවැත්වුණු අතර, රටට බත සපයන ගොවීන්ගෙන් ජල බද්දක් අය කිරීමේ කිසිදු අපේක්ෂාවක් රජයට නොමැති බව ඇමතිනී පවිත්‍රා වන්නිආරච්චි මහත්මිය පවසයි.
මෙම සමුළුවේ අරමුණ වූයේ, වාරිමාර්ග වනජීවී හා වන සංරක්ෂණ ක්ෂේත්‍රයේ ගොවි ගැටලු නිරාකරණය කිරීමයි. ජල සම්පත සුරකීම සදහා ජල ප්‍රතිපත්තියක් සකස් කිරීම යෝජනාවක් පමණක් බව මෙහිදී අමාත්‍යවරිය කියා සිටියේය.
