සෞඛ්‍ය අමාත්‍යාංශයේ අතිරේක ලේකම්, වෛද්‍ය සමන් රත්නායක මහතා අපරාධ පරීක්ෂණ දෙපාර්තමේන්තුව විසින් අත් අඩංගුවට ගෙන තිබේ.
ඒ, ප්‍රමිතියෙන් තොර හියුමන් ඉමියුනොග්ලොබියුලීන් එන්නත් තොගයක් මිලදී ගැනීම හරහා රුපියල් කෝටි ගණනක වංචාවක් සිදුකිරීමේ සිද්ධියට අදාළව ය.
අදාළ වංචාව සම්බන්ධයෙන් ප්‍රකාශයක් සටහන් කරගැනීම සඳහා අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස අධිකරණය කළ නියෝගයක් අනුව ඊයේ (01) එහි පැමිණි වෛද්‍යවරයාව CID නිලධාරීන් විසින් අත් අඩංගුවට ගෙන ඇත.
මීට පෙර දින කිහිපයකදීම CIDයට ප්‍රකාශයක් ලබාදීම සඳහා පැමිණෙන ලෙස වෛද්‍ය සමන් රත්නායකට දැනුම් දී තිබුණත් ඔහු එය මඟහැර ඇති බව පෙරේදා දිනයේදී මාලිගාකන්ද මහේස්ත්‍රාත් අධිකරණයේදී අනාවරණය වි තිබිණි.
මෙම ඖෂධ වංචාව සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල ඇතුළු සැකකරුවන් 07 දෙනෙකු මේ වනවිට රක්ෂිත බන්ධනාගාරගත කර ඇත.
RN
