අත්‍යවශ්‍ය ආහාර ද්‍රව්‍ය ආනයනකරුවන්ගේ සංගමය පවසන්නේ, අමෙරිකානු ඩොලරයට සාපේක්ෂව රුපියලේ අගය ශක්තිමත්වීම හේතුවෙන් මෙරටට ආනයනය කරන අත්‍යවශ්‍ය ආහාරද්‍රව්‍ය මිල ගණන් සියයට 5 ත් 6 ත් අතර ප්‍රමාණයකින් පහළ යනු ඇති බවයි.
එහි ජ්‍යෙෂ්ඨ ප්‍රකාශකයෙකු සඳහන් කළේ ඇතැම් ආනයනික ආහාර ද්‍රව්‍යවල මිල ගණන් මේවනවිටත් පහළ ගොස් ඇති බවයි. මේ අතර සීනි කිලෝවක තොග මිල රුපියල් 17 කින් පමණ අඩුවී ඇති බව එම ජ්‍යෙෂ්ඨ ප්‍රකාශකයා සඳහන් කළේ.
මෙලෙස අමෙරිකානු ඩොලරයට සාපේක්ෂව රුපියලේ අගය ශක්තිමත්වීම හේතුවෙන් ආනයනික භාණ්ඩවල මිල ගණන් ඉදිරියේදී තවදුරටත් පහළ යනු ඇතැයි පේරාදෙණිය විශ්ව විද්‍යාලයේ ආර්ථික විද්‍යා හා සංඛ්‍යාන විද්‍යා අධ්‍යයන අංශයේ මහාචාර්ය වසන්ත අතුකෝරළ පවසනවා.
රෂිකා හෙන්නායක
