වෛද්‍යමය අරමුණු සඳහා මරිජුවානා භාවිතය නීතිගත කරන සහ ඒ ආශ්‍රිත කර්මාන්තයන් ට භාවිතය සඳහා වගා කිරීමට අවසර දෙන පනත් කෙටුම්පතක් කොස්ටාරිකාවේ කොන්ග්‍රසය විසින් සම්මත කර තිබේ.
කෙසේ වෙතත් විනෝදාත්මක අරමුණු සඳහා මරිජුවානා වගා කිරීම සහ විකිණීම තවදුරටත් තහනම් වනු ඇත.
එරට ජනාධිපති කාලෝස් අල්වරාඩෝ දින කිහිපයක් ඇතුළත එම පනත් කෙටුම්පත අත්සන් කිරීමට අපේක්ෂිතය.
පනතට සහායපල කරන්නන් පවසන්නේ එය කෘෂිකාර්මික අංශය නංවාලීමට සහ නව රැකියා අවස්ථා ලබා දෙන බවයි.
අඟහරුවාදා ඡන්දයෙන් පසුව, කොස්ටාරිකාව වෛද්‍ය කටයුතු සඳහා මරිජුවානා නීත්‍යානුකූල කර ඇති වෙනත් ලතින් ඇමරිකානු රටවල් රැසක් සමග මේ එක් වේ.
2013 දී මෙමරිජුවානා නීතිගත කළ ලොව ප්‍රථම රට බවට පත් වූ උරුගුවේ හැර සෙසු කලාපයේ බොහෝ ප්‍රදේශවල මරිජුවානා විනෝදාත්මක භාවිතය තහනම් කර ඇත.
කොස්ටාරිකාවේ මෙම නව පනත තුල තනි පුද්ගල වගාව සහ පරිභෝජනය මත සීමාවන් පැනවිය යුතු බවට අදහස් කරමින් එරටජනාධිපති අල්වරාඩෝ මීට පෙර මෙම යෝජනාව ප්‍රතික්ෂේප කරන්නට විය.
නමුත් සංශෝධිත නව පනත් කෙටුම්පතට ජනාධිපතිවරයාගේ සහය ලැබී ඇති අතර, එය කොස්ටාරිකාවට විශාල ප්‍රතිලාභයක් වනු ඇතැයි ඔහු කියා සිටි.
