බැසිල් රජාපක්ෂ අමාත්‍යවරයා සම්බන්ධයෙන් ඊයේ දින විමල් වීරවංශ හිටපු අමාත්‍යවරයා සිදුකරන ප්‍රකාශය ඉතා බරපතල හෙයින් වහාම බැසිල් රාජපක්ෂ සහ මුදල් අමාත්‍යාංශය සම්බන්ධයෙන් ආණ්ඩුව පරීක්ෂණයක් කළ යුතු බව සමඟි ජන බලවේගයේ පාර්ලිමේන්තු මන්ත්‍රී මුජිබර් රහුමාන් මහතා පැවසුවේය.
ඒ, අද (05) කොළඹදී ඒ සම්බන්ධයෙන් අදහස් දක්වමිනි.
මේ වන විට බැසිල් රාජපක්ෂ මහතාට හොරා යැයි පවසන්නේ ඔහු සමඟ එකට සිටි ආණ්ඩුවේ ඇමතිවරු වන හෙයින් එය බරපතල තත්ත්වයක් බවයි මන්ත්‍රීවරයා සඳහන් කළේ.
එම නිසා දැන් ජනාධිපතිවරයා විසින් වහාම කළ යුත්තේ අල්ලස් හෝ දූෂණ චෝදනා විමර්ශන කොමිසමට අණ දී බැසිල් රාජපක්ෂ මහතා ගැන සහ ඔහුගේ අමාත්‍යාංශය සම්බන්ධයෙන් පරීක්ෂණයක් සිදුකිරීම බව හෙතෙම අවධාරණය කළේය.
අද විමල් වීරවංශ මහතා විසින් කරන ලද චෝදනා ඊට පෙර තමන් නියෝජනය කරන පාර්ශවය විසින් පැවසුවද ඒ ගැන එදා එතරම් සැලකිල්ලක් නොදැක්වුවද අද ආණ්ඩුවේම සිටි ඇමතිවරු එම දේවල් පවසමින් සිටින බවද මන්ත්‍රීවරයා සඳහන් කරන ලදී.
ASK
