කොළඹ LNW: රටේ ජනතාව දැවැන්ත පීඩනයකට ලක්වී සිටින විට මහ බැංකුවේ පඩි වැඩිකිරීම සදාචාරාත්මක නොවන බවත් ඒ පිළිබඳව නැවත සලකා බලන ලෙසත් පාර්ලිමේන්තු මන්ත්‍රී හර්ෂ ද සිල්වා මහතා මුදල කාරක සභාවේදී මහ බැංකු අධිපතිවරයාට අවධාරණය කරන ලදී.
දිවා රෑ ජීවිත ගලවාගැනීමට වෙහෙසෙන සුවසැරිය කාර්ය මණ්ඩලයේ වැටුප් සමග සැසඳීමේදී මෙම වැටුප් වැඩිකිරීම අසාධාරණ බව මන්ත්‍රීවරයා පෙන්වා දුන්නේය.
මෙහිදී පඩි වැඩි වීම නොව ප්‍රශ්නය වන්නේ වැඩි වූ ප්‍රමාණය බව යැයි හෙතෙම කියාසිටියේය.
කෙසේවෙතත් මහ බැංකුව ස්වාධීන ආයතනයක් ලෙස පවත්වා ගැනීමේ වැදගත්කම මන්ත්‍රීවරයා අවධාරණය කළ අතර එම බලය අයුතු ලෙස භාවිතා නොකරන ලෙසයි ඔහු අවධාරණය කළේ.
ASK
