රෂිකා හෙන්නායක මාර්තු 06, කොළඹ (LNW):
අද (06) ජනාධිපති කාර්යාලයේ පැවති සාකච්ඡාවේදී, යල කන්නයේ වගා කටයුතු ආරම්භ කිරීම සඳහා ගොවි බිම්වලට අවශ්ය පොහොර හිඟයකින් තොරව අඛණ්ඩව ලබා දීමේ අවශ්යතාව ජනාධිපති අනුර කුමාර දිසානායක මහතා අවධාරණය කර ඇත.
ජනාධිපතිවරයා වැඩිදුරටත් අවධාරණය කළේ, යල කන්නයේ වී ගොවිතැන සහ අනෙකුත් කෘෂිකාර්මික කටයුතු සඳහා පවතින පොහොර අවශ්යතාව පිළිබඳව මෙහිදී දීර්ඝ ලෙස සාකච්ඡා කෙරුණු අතර අපහසුතාවකින් සහ බාධාවකින් තොරව ගොවීන්ට යල කන්නයේ වගා කටයුතු ආරම්භ කිරීමට හැකි පරිසරය සකස් කර දීමට කටයුතු කළ යුතු බවයි.
