සටහන – රුවන් නෙළුගොල්ල
ශ්රී ලංකා මුහුදු සීමාව ආසන්නයේ නැංගුරම්ලා තිබෙන ඉරානයේ ‘IRIS Bushehr’ නෞකාවේ සිටි කාර්ය මණ්ඩල සාමාජිකයින්ගෙන් 204 දෙනෙකු ශ්රී ලංකා නාවික හමුදාව විසින් ආරක්ෂිතව කොළඹ වරායට රැගෙන ආ බව නාවික හමුදා මාධ්ය ප්රකාශකවරයා පවසයි.
මූලික පරීක්ෂණවලින් පසුව ඔවුන්ව වැලිසර නාවික හමුදා කඳවුරට රැගෙන යාමට නියමිත බවයි නාවික හමුදා මාධ්ය ප්රකාශකවරයා වැඩිදුරටත් පැවසුවේ.
අදාළ නෞකාවේ 208ක කාර්ය මණ්ඩලයක් සිටි බව සඳහන්.
මෙම නෞකාව සම්බන්ධයෙන් විශේෂ ප්රකාශයක් කරමින් ජනාධිපති අනුර කුමාර දිසානායක මහතා ඊයේ (05) රාත්රියේ පැවසුවේ එහි කාර්ය මණ්ඩලය කොළඹ වරායටත් නෞකාව ත්රිකුණාමල වරායටත් ගෙන ඒමට කටයුතු කරන බවයි.
