පළාත් පාලන මැතිවරණය පැවැත්වුණහොත් ශ්‍රී ලංකා පොදුජන පෙරමුණ එය ජයග්‍රහණය කරන අතර මේ වන විටත් පක්ෂයක් ලෙස ජන්දයට සූදානම් බව පාර්ලිමේන්තු මන්ත්‍රී පියල් නිශාන්ත මහතා පවසයි.
මැතිවරණයට සූදානම් වීම සම්බන්ධයෙන් මහින්ද රාජපක්ෂ මහතාගේ නායකත්වයෙන් උපදෙස් ලැබුණු බවත් බිම් මට්ටමේ සිට වැඩ කර ඇති හෙයින් වේදිකාවල කරණම් ගැසීමේ අවශ්‍යතාවක් නොමැති බවයි මන්ත්‍රීවරයා සඳහන් කරන්නේ.
ඊයේ රාත්‍රියේ හිටපු ජනාධිපති මහින්ද රාජපක්ෂ මහතාගේ ප්‍රධානත්වයෙන් කොළඹ විජේරාම නිවසේදී පොහොට්ටු මන්ත්‍රීවරු සහ සංවිධායකින් කැඳවා සාකච්ජාවක් සිදුකළ අතර ඉන් අනතුරුවයි පියල් නිශාන්ත මහතා මෙලෙස මාධ්‍යයට අදහස් දක්වා තිබුණේ.
ශ්‍රී ලංකා පොදුජන පෙරමුණ මැතිවරණයට සූදානම් බව කීමට සිදුව ඇත්තේ වුපක්ෂයේ ඇතැමුන් මැතිවරණයක් ඉල්ලුවද ඔවුන්ට අත්වන ඉරණම කුමක්ද යන්න ඔවුන්ගේ හෘද සාක්ෂිය දන්නා බැවින් යයිද මන්ත්‍රීවරයා කියාසිටියි.
ආශිකා බ්‍රාහ්මණ
