රෂිකා හෙන්නායක මාර්තු 09,ලෝකය (අවුට්බවුන්ඩ් ටුඩේ):
මානව හිමිකම් නිරීක්ෂණ සංවිධානය (Human Rights Watch) විසින් නිකුත් කරන ලද වාර්තාවකට අනුව, ඊශ්‍රායල හමුදාව දකුණු ලෙබනනයේ ජනාකීර්ණ ප්‍රදේශ ඉලක්ක කර ගනිමින් නීති විරෝධී ලෙස සුදු පොස්පරස් (white phosphorus) භාවිතා කර ඇති බවට විදෙස් මාධ්‍ය තොරතුරු වාර්තා කරයි.
එහිදී, මාර්තු මාසයේදී යොහ්මෝර් ගම්මානයේ සිදු වූ ප්‍රහාරවලින් සිවිල් වැසියන්ගේ නිවාස සහ දේපළවලට දැඩි හානි සිදු වී ඇති බව තහවුරු කරන ලද ඡායාරූප සහ දත්ත මඟින් එම සංවිධානය පෙන්වා දෙයි.
මෙම රසායනික ද්‍රව්‍යය මඟින් දරුණු පිළිස්සුම් තුවාල සහ දිගුකාලීන සෞඛ්‍ය ගැටලු ඇති කරන බැවින්, ජාත්‍යන්තර මානුෂීය නීතියට අනුව මෙවැනි ප්‍රහාර එල්ල කිරීම බරපතල වරදකි.
එම නිසා, ඊශ්‍රායලයට ලබා දෙන හමුදා ආධාර සහ අවි අලෙවිය වහාම නතර කරන ලෙස මෙම වාර්තාව මඟින් ඇමරිකා එක්සත් ජනපදය ඇතුළු බටහිර රටවලින් ඉල්ලා සිටී.
දැනට පවතින ගැටුම් හේතුවෙන් ලෙබනනයේ දහස් සංඛ්‍යාත පිරිසක් අවතැන් වී ඇති අතර සිවිල් ජනතාවගේ ආරක්ෂාව සම්බන්ධයෙන් දැඩි අවදානමක් පවතින බවද මෙමඟින් වැඩිදුරටත් සඳහන් සඳහන් කර ඇත.
