මඩකලපුව බලා ධාවනය වීමට සූදානමින් ඊයේ (10) රාත්‍රියේ කොළඹ කොටුව දුම්රිය ස්ථානයෙහි නවතා තිබුණු මීනගයා දුම්රියේ වැසිකිළියක බිළිඳු දරුවෙකු දමාගොස් තිබීමේ සිද්ධියට අදාළව එම බිළිඳියගේ මව හා පියා පොලිසිය විසින් අත් අඩංගුවට ගෙන තිබේ.
බිළිඳාගේ මව බණ්ඩාරවෙලදීත් පියා කොස්ලන්ද ප්‍රදේශයේදීත් අත් අඩංගුවට ගත් බවයි පොලිස් මාධ්‍ය ප්‍රකාශක නිහාල් තල්දූව මහතා සඳහන් කළේ.
අත් අඩංගුවට ගත් මව 25 හැවිරිදි වන අතර පියා 26 හැවිරිදි අයෙකි.
රිජ්වේ ආර්යා ළමා රෝහලට ඇතුළත් කරන සිටින බිළිඳා මේ වනවිට සුවෙන් පසුවන බවත් වාර්තා විය.
RN
