මීට ටික දිනකට ඉහත එක්සත් ජාතික පක්ෂ නායක රනිල් වික්‍රමසිංහ මහතා ගේ අග්‍රාමාත්‍ය නායකත්වයෙන් යුතු ජාතික ආණ්ඩුවක් පිහිටුවීම කෙරේ වත්මන් ආණ්ඩුවේ අවධානය යොමුව ඇතැයි මාධ්‍ය වාර්තා පළවී තිබිණි.
මෙම කතාබහ අතරේ එක්සත් ජාතික පක්ෂයට හිතැති සමාජ මාධ්‍ය ජාලා හරහා #LIKE RANIL නම් ව්‍යාපාරයක් ආරම්භ වී තිබේ.
තරුණ එක්සත් ජාතික පක්ෂ ක්‍රියාකාරීන් පිරිසක් විසින් ආරම්භ කර ඇති එම ව්‍යාපාරය ”කැමති වුනත් අකමැති වුනත්,… කැමති වෙන්න වෙන්නේ රනිල්ට..” යන තේමාවෙන් යුතුව පවත්වාගෙන යයි.
ඒ අනුව නව එක්සත් ජාතික පක්ෂ ව්‍යාපාරයේ ප්‍රවර්ධන වැඩසටහන ඉකුත් සිකුරාදා (11) දින කොළඹ දිස්ත්‍රික්කයෙන් ආරම්භ විය.
මෙම ව්‍යාපාරය එක්සත් ජාතික පක්ෂ ප්‍රධානීන් සහ ආසන සංවිධායකවරුන්ගේ මූලිකත්වයෙන් කොළඹ දිස්ත්‍රික්කයේ සෑම මැතිවරණ කොට්ඨාශයකම ක්‍රියාත්මක වේ.
ඡායාරූප: ද ලීඩර්
