අනුරාධපුර රෝහලේ වෛද්‍යවරුන් සහ කාර්ය මණ්ඩලය විසින් පවත්වාගෙන ගිය වැඩවර්ජනය අත්හිටුවීමට තීරණය කර තිබේ.
බලධාරීන් සමග පැවැත්වූ සාකච්ඡාවකින් අනතුරුව මෙම තීරණයට එළඹුණු බවයි රජයේ වෛද්‍ය නිලධාරීන්ගේ සංගමය සඳහන් කරන්නේ.
අනුරාධපුර රෝහලේ සේවයේ නියුතු වෛද්‍යවරියක් බරපතළ ලිංගික අතවරයකට ලක්වීමේ සිදුවීමට විරෝධය පළ කරමින් පෙරේදා දිනයේ සිට අනුරාධපුර රෝහලේ වෛද්‍යවරුන් සහ කාර්ය මණ්ඩලය මෙම වැඩවර්ජනය සිදුකළ අතර මීට සමගාමීව රජයේ වෛද්‍ය නිලධාරීන්ගේ සංගමය ඊයේ කැඳවා තිබුණු දීපව්‍යාප්ත සංකේත වැඩවර්ජනය අද (13) උදෑසන 08.00 ට අවසන් කෙරිණි.
RN
