අබුඩාබි හි පැවත්වෙන තුන් කොන් එක්දින තරගාවලියක් සහ ඇෆ්ගනිස්තානය සමඟ පැවත්වෙන එක් දින තරගාවලියක් සඳහා සහභාගී විමට ශ්‍රී ලංකා අවුරුදු 19 න් පහළ කණ්ඩායම හෙට දිවයිනෙන් පිටත්ව යාමට නියමිතය.මේ වන විට ක්‍රිකට් තේරිම් කමිටුවේ තේරීම් සමබන්ධයෙන් එකඟතාවය පළවෙන ලිපිය ක්‍රීඩා අමාත්‍යංශයෙන් ශ්‍රී ලංකා ක්‍රිකට් වෙත ලැබී නැතත්,හෙට අවුරුදු 19 න් පහළ කණ්ඩායම දිවයිනෙන් පිටත් කර යැවීම සඳහා සියල්ල සූදානමින් ඇති බව ක්‍රිකට් ආරංචි මාර්ග ඔස්සේ වාර්තා වෙයි.
පළමුව ශ්‍රී ලංකාව ඇෆ්ගනිස්තානය සහ බංගලාදේශය සහභාගිවන එක් දින තරගාවලිය ඇරඹෙන අතර එම තරගාවලිය අරඹඹින් මාර්තු 20 වන දින පළමු තරගයට සහභාගී වන්නේ ශ්‍රී ලංකාව සහ බංගලාදේශ කණ්ඩායමය.දෙවන තරගයට 22 වන දා ඇෆ්ගනිස්තානය සමඟ මුහුණ දෙන ශ්‍රී ලංකාව 26 වන දා ත් 18 වන දා ත් නැවත පිළිවෙලින් බංගලාදේශය සහ ඇෆ්ගනිස්තානය සමඟ තරග බිමට පිවිසෙන්නට සූදානම් ය.
ඇෆ්ගනිස්තානය සහ ශ්‍රි ලංකාව අතර පැවත්වෙන තරගාවලියේ පළමු තරගය අප්‍රේල් පළමු වන දා සහ දෙවන තරගය අප්‍රේල් 2 වන දා පැවත්වෙනු ඇත.
නිෂ්මන් රණසිංහ
